Da ki Mask e yarap sñiawbha ka MEPA cha kiwa dai kotkhubor

Shillong: Ka Meghalaya Editors’ and Publishers’ Association (MEPA) kawa man ka dhab wa khlieh dooh yong kiwa pathai khubor ha ka jylla ynne ka sngi da saam mynkna ko ya ki Mask cha kiwa dai kotkhubor kam chibynta wow yada na u khñiang COVID-19.

Ya ini da ekti da u president ka MEPA, u R Monarch Shabong ha u President ka Meghalaya Newspaper Hawkers’ Association (MNHA), u Sebastian Shabong ha ka yalang ba kyrpang wa da pynman ha Mawkhar hei emlang kiwa yahkhmat ka MEPA.

Neiliang u President ka MNHA, u Sebastian Shabong da pynsñiaw u yei sñiawngooh ya ka MEPA hajrong ini i e sñiawbha deiwa kular leh wow krehlang chirrup khnang wow pynku ya i miat i bha kiwa dai kotkhubor ha ka jylla.