U montri ka chnat i chait i khiah ka jylla Assam u Himanta Biswa Sarma da pyntip u wa ynne hapoh Assam da yoh wow mih Hospital sa uwi uwa da chait na u khñiang COVID-19.
Uni uwa dang chait toh uwa chah sumaar ha Telahi Model Hospital, Basagaon, Lakhimpur.
Da yoh u wow mih Hospital hadien wa dep Test ya oo 3 sien wei ym em de chem ya uni u khñiang hapoh yong oo.
Uni uwa da chait da hap won u wow chong kset ha yung.
Waroh kiwa da chait ha Assam da em ki 19 ngut, kiwa dang em ya uni u khñiang da em ki 14 ngut wei da yap uwi.
Ha iwi tawon i liang, u Sarma da pyntip u wa da em 46,470 ngut ki bru wa da e sñiawbha cha ka COVID-19 Fund kawa da poi T. 100.50 klur. Da yoh leh yei yarap na ki wakreh sorkar kiwa da e chi sngi ka tulop yong ki.
Discussion about this post