Ka Meghalaya COVID-19 Response Team kawa da pynkhreh daka sorkar wow em hakhmat dooh wow yarap ya kiwa yaleh pyrchah nei poor u khñiang khlam COVID-19, lyngba ki dur ki dar wa booh ki haki Social Media Account yong ki da pynyoo ki kammon i rukom krehkaam kiwa em hakhmat ka thma pyrchah ya u COVID-19 nadooh i pynkhooid yaki Corona Care Centre, i pynbiang baam ya kiwa em hapoh Quarantine hadooh kammon wa da noh yaki tiar sumaar (Bio Medical Waste) deiwa thang ha i thaw thang bru wa em ha Jhalupara, Shillong.
Hapoh kani ka COVID-19 Response Team da em leh ki Volunteer kiwa pyntikna wow pynpoi biangpor ya i baam wa kiwi kiwa emkaam cha kiwa sah hapoh ka Corona Care Center kam kawa em ha IIM-Shillong wa ha MATI Building, Mawdiangdiang.
Da pynbiang leh yei baam ya ki wareh nadooh ki Doctor, ki pulit wa kiwi kiwi kiwa embynta ha kani ka kaam.
Da pynkhooid ki leh yaki kini ki Corona Care Center deiwa siat dawai yaki, da pynkhooid leh yaki kor ATM, da siat dawai leh yaki Truck.
Da pynman leh yaki pynsñiawthooh paidbah yei emkaam wow yajngai uwi na uwi (Social Distancing), i emkaam wow saitkti wow yada na kani ka khlam.
Da pynyoo leh yei boonkaam ka chnat Labour wow pynsakhiat ya ki chi lak tam ki Application ki wakreh mylla yow yoh yarap naka sorkar.
Da pynyoo leh yaka Control Room ka 108 kawa da krehkaam 24 kynta chi sngi wow e yei yarap ya kiwa emkaam.
Nyngkong da yoh boon ki khñium yei rukom leh ya ini waroh khamtam kitu kiwa lai cha kini ki Corona Care Canter tangwa katwa dang lai ki sngi da man ki iwa pliah ha iwa boon ki rukom.
Discussion about this post