U montri rangbah ka jylla u Conrad Sangma ynne da pyntip u wa kiwa hayung hasem kawa dang dep pyntikna wa em ko ya u khñiang khlam COVID-19 ym em ki ya uni u khñiang.
Ya kiwa hayung hasem kani kawa dang yoh kawa man leh kawa 12 kiwa em 7 ngut, da Test ynne ka sngi daka Rapid Antibody Test kawa ye u yoh Result smat du hadien kattu katni por donhi wei da chem wa ym em ki ya u COVID-19.
Kini ki Rapid Test Kit toh kiwa dang yoh ka jylla 7500 tylli haka 19 tarik uni u bnai.
Kam wow pynkynmoo wa ya kawa dang yoh ya u COVID-19 da pynbna ynnin i miet wei da em chwa ko hapoh Quarantine Center.
Da pyntip u leh wa hadooh ynne sngi da phah Test hadooh 933 tylli ki Sample heiyatoh wa u COVID-19.
Na kini da em 821 tylli kiwa man ‘Negative’ namo ym em chah ktah ki ha uni u khñiang.
Da pyntip u leh wa dang yang ya ka Result sa yong ki 100 tylli ki Sample.
Heijooh i por da pyntip u wa da yoh sa 2 tylli ki kor COVID-19 Testing Machines ha NEIGRHIMS, Shillong kwia ye u Test hadooh 80 Sample ha ka chi sngi wei dang yang sa ya ki Cartridge wei ya kini ki kor daw ye wow pynemkaam du ha ka tayaw wa daw wan.
Discussion about this post