Pynche ka sorkar Arunachal yei mih khubor wa duna khoo hadooh wa baam ki bru da u pseiñ

Hadien wa mih khubor wa da em ki bru hapoh ka jylla Arunachal Pradesh kiwa pynyap ya u pseiñ King Cobra yow yoh baam ki neidaw wa ym em khoo de ki wa em ka Lockdown. Ka sorkar Arunachal Pradesh da pynche ko wa biang hi em khoo ha ki Stock neibynta waroh ki District ka Arunachal Pradesh uwa ye u neh ym duna ya 3 bnai.

Da pyntip wa nadooh wa em ka Lockdown, ka Indian Air Force da pynemkaam ko daka lieñsuiñ AN-32 waka Helicopter yow kit khoo cha ki thaw wa em cha kdong cha chmiang ka Arunachal Pradesh. Hadooh ka sorkar jylla leh pynemkaam ko yaka Helicopter yong ka neibynta ini i jooh.

Da pyntip chooh chooh wa ka FCI da pynbiang ko palat 1000MT u khoo neibynta ki yaw ki haat ki District. Nalor ini, ka sorkar India leh da booh bhah ko palat 12,000 MT u khoo hapoh ka PMGKAY yaka Arunachal Pradesh. Palat 8000MT u khoo da kit wei da saam hapoh ka jylla hapoh ka PMGKAY.

Ka jylla leh da booh ko 100 MT u salah wa 60MT u dai kiwa daw pynlait lada em i duna wei katwa emkaam. Ka jylla da e ko leh ya u khoo rachon mynkna cha kitu kiwa da chah ktah ka khih ka khan yong ki. Kamwa 20,000 ngut kiwa da yoh rachon mynkna hapoh kiwa boon ki District ka Arunachal Pradesh nadooh wa pynbna yaka Lockdown.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pyntip leh wa ki sahep sorkar toh kiwa da em waroh chi sngi chi miet lada emkaam wow yoh yutip waki kaam wa yatoh wa u COVID-19. Kamtæ da kyntu yaki laad pathai khubor wow paan pynche chwa naka sorkar chwa wow pynmih kiwon kiwon ki khubor wa yatoh wa u COVID-19.