Ka Union Cabinet kawa da khlieh da u Prime Minister, Narendra Modi da mynjur ko wow pynyinsur yaki kyndon wa emkaam Aadhaar kiwa yoh myntoi ka jylla Assam, Meghalaya waka UT Jammu & Kashmir waka Ladakh yow pynlait yaka poisa cha kiwa yoh myntoi naka PM-Kisan Scheme kawa da booh hadooh ka 31st March, 2021.
Ka Pradhan Mantri Kisan Samman Nidhi (PM-KISAN) Scheme toh kawa da sdang da u Prime Minister haka 24th February, 2019. Kani ka Scheme toh kawa e yarap poisa cha ki warep wa em i yong ki hi ki thaw rep deiwa em ki kyndon. Hapoh kani ka Scheme, da e T.6000 chi snem haki le bynta wa T.2000 kawa lai bait cha ki Bank Account kiwa yoh myntoi. Kiwa yoh ya kani ka poisa hapoh kani ka Scheme toh du kiwa em Aadhaar donhi, tangwa neibynta ka Assam,Meghalaya, J&K waka Ladakh da e por hadooh ka 31st March, 2020 wow leh Aadhaar ki neidaw wa duna kiwa em Aadhaar ha kini ki jylla.
Na ini i daw kini ki jylla daw chem chitom ki wow yoh ya kani ka poisa lada ym pynyinsur biang ya ini i por wa da e chwa heiwa ym yoh de ki yei bhah nadooh ka 1st April, 2020. Kamtæ da rai wow pynyinsur biang ya i por sa chi snem deiwa kheiñ nadoh ka 01-04-20.
Ki warep kiwa da dep yoh myntoi ha kini ki jylla wa da kdaw kiwa da yoh ym duna yaka bynta wa nyngkong hadooh ka 08-04-2020 da em ki 27,09,586 ngut ha Assam, 98,915 ngut ha Meghalaya wa 10,01,668 ha J&K deilang waka Ladakh.
Discussion about this post