Jowai: U DC ka West Jaiñtia Hills District da pyntip u wa kam chibynta wow yada nei poor u khñiang khlam COVID-19 hapoh ka District waka jylla waroh kawi. Hapoh ka Section 144 Cr.PC deilang waka Regulation 3 ka Meghalaya Epidemic Diseases COVID-19 Regulations 2020 da pynkrehkaam yaka Section 144 Cr.PC hapoh waroh kawi ka West Jaiñtia Hills District nadooh 6 waje i step ka 24 tarik hadooh wa pynmih hukum won da kamwi.
Da khang wow yalang palat 5 ngut ki bru ha chi thaw lait noh ha ki yung ki bru samen, u pynkrehkaam yaki kari kamai, u wai yaki yaw ki haat, u mih cha lait khlem da deiñ yaki Mask wei wow mynthu cha ki thaw paidbah.
Kani ka Curfew ym ktah ko ya kiwa em hapoh ki Security Forces, Medical Teams wa em duty, Wholesale & Retail Pharmacies, Police & Armed Forces, Fire & Emergency Service, MeECL & Power Grid, Food & Civil Supplies Department, Jowai Municipal Board, Telecom, Communications & IT Services waki CSC, Print & Electronic Media, ki wakreh sorkar (Government Official on Duty), ki Bank wa Treasury, ka chnat PHE, AH&Vety., Agriculture & Horticulture waka C&RD Block.
I wai dukan wa kiwi ki jait kaam wa da chah u sdang biang u man ki kamwa da dep pynbna.
Discussion about this post