U montri ka sorkar pyrdi wa pait ya ka chnat Power Ministry ynne da kyntu u ya ki sorkar jylla wow chah ya ki kreh (Construction) ha ki thaw wow pynmih bordiñ (Power Projects) kiwa em cha baar u pood ka Municipal heipor wa krehkaam ka khang chnong namo ka Lockdown wow yakhun ya ka khlam u COVID-19 katkam ki kyndon ka Ministry of Home Affairs ha ka 15-04-2020.
Ya kini ki kreh toh u man ki kiwa lai bait deiwa bood ya ki kyndon wow yakhun ya kani ka khlam.
Da thoh leh cha ki sorkar jyllam ki DM, bor pulit, ki Municipal Board ha ka 20-04-2020, heiwa ka Ministry da ong ko wa katkam ka Para 16(i) yong ki kyndon ka Ministry of Home Affairs Order No. 40-3/2020- DM-I(A) Dated 15.04.2020, ki kreh (Construction) ha ki karkhana (Industrial Project) ha ki thaaiñ palatsor namo kiwa man cha baar u pood ki Municipal Corporation wa da sdang ki nadooh ka 20 tarik uni u bnai wei kini ki kreh toh u kynthup ki ya ki thaw pynmih bordiñ namo Thermal/Hydro Power Generation Projects cha baar ki Urban Local Bodies (ULB).
Ka Ministry da kyntu ko leh wow chah yei psiah i mih (Intrastate and Interstate) ha ki jylla khnang wow ye u kit ya ki tiar kreh wa ki mar-baam neibynta i kreh ha kini ki Power Project katkam ka Para 12(vi) yong ka MHA Order No. 40-3/2020-DM-I(A) Dated 15.04.2020.
Da pynksan leh yei emkaam wow sdang biang ya ki kreh deiwa bood ya ki kyndon yada kam ka Social Distancing wa pynmih da ka Ministry of Home Affairs and Ministry of Health and Family Welfare neipor cheipor.
Ka Power Ministry da hukum ko leh ya waroh ki CMD yong ki Power CPSU, ki IIP wa UMPP wow pyntikna wow yada na ka khlam u COVID-19.
Da kyntu leh ya ki Chief Secretary ki jylla wow bood ya ini heipyatoh wa ki karkhana pynmih bordiñ namo ki State Generating Companies/Independent Power Producers (IPPs).
Discussion about this post