Dawa ka JYF ya kawi ka Ambulance na kiwa dang thied thymme neibynta ka War Jaiñtia

Ka Jaiñtia Youth Federation (JYF) da dawa joor ko naka sorkar jylla wow booh ya ka kari Ambulance 108 kawi na ki 25 tylli wa ka sorkar jylla dang dep thied ko naka CM Relief COVID- 19 Fund hapoh ka thaaiñ War Jaiñtia.

Ka seiñ da ong ko wa ym ye de ko wow pait wow ap yei ood ki paidbah ka War Jaiñtia yei wym em ka kari Ambulance 108 hapoh ka thaaiñ. Ka seiñ da kylli ko leh yaka sorkar jylla wa ileh wa hadooh katni wa hap maad ki paidbah yei eh hawa yaka poisa da pyllang na ki paidbah, ini pynyoo yei tlot ka sorkar.

Hei yong sakhiat da toh u pynbiang nadooh wa kani ka sorkar da wan ko hei bor synchaar.

Ka seiñ da ong ko nachwa, kani ka kari 108 da em ko hapoh ka thaaiñ War Jaiñtia, tangwa hadien kattu katni por da wiar noh ko napoh ka thaaiñ na ki daw wym tip.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka JYF neitæ i daw da phah ko yaka khubor kawa skem cha ka sorkar jylla wa ka seiñ yieñ ko haka yurim wa ym toh u kheiñstiñ ya i chait i khiah ki paidbah neibhah i kaam pynroi ym myntoi i lada i chait i khiah ki paidbah ym em i. Lada ka sorkar jylla ym ap ko ya ini i dawa, ka seiñ daw pymna ko da i yakhih wow pynbor ya ka sorkar wow pynman kaam yeiwa thrang ki paidbah ka thaaiñ War Jaiñtia.

Ini toh katkam ka kyrwoh khubor na u Songkiman Ryngksai, Organising Secretary ka JYF seiñbei.