Jowai: Ynne man ko ka sngi kawa 33 nadooh wa khang chnong namo ka Lockdown ha waroh kawi ka ri wow yakhun pyrchah ya ka khlam u COVID-19, ki kaam wa man pyrchah aiñ leh da hiar bha ki.
Hawa yaklam wa u SP ka East Jaiñtia Hills, u Vivekanand Singh Rathore, da ong u wa nadooh wa sdang ka Lockdown da hiar chlap (Drastic Reduction) wei kiwa boon hi ki kaam wa man pyrchah aiñ toh kiwa yatoh wa i tyngkheiñ ya ki kyndon ka Curfew.
Da ong u wa nadooh wa krehkaam ka Lockdown da hiar bha ki kaam wa man pyrchah aiñ hapoh ka District wei ye u ong wa ym em de ki kaam tyngkheiñ aiñ neibhah wa waroh ki bru emkaam ki wow chong ha yung.
Heiyatoh wa ka West Jaiñtia Hills won, u SP ka District, u Lakador Syiem da ong u hawa wyrchaw wa ki sngi chwa ka Lockdown wa ki sngi wa em ka Lockdown da hiar bha ki kaam pyrchah aiñ wei ha kini ki sngi ki Case wa da Register em ki hapoh 10 tylli donhi.
Da pynrap u wa ini toh neidaw wa chong ki bru ha yung wei kamjooh leh i kreh chitom ki Waheh Chnong, ki VDP wa kiwi kiwi wow sonteri ya ki chnong ki thaw.
Discussion about this post