Ki wyrta sñiawngooh naki chnong ki thaw cha kiwa e yarap yaki

Ka Dorbar Chnong Lapangap Pyllun da pynsñiaw ko yei sñiawngooh yei e yarap u MDC ka 10-Mynsngat Khanduli u Dawan Lyngdoh cha kiwa chah ktah ha u phria ha Lapangap yeiwa da e u daka tarpal katwa ye u hanlada ym em man u kam uwa mihkhmat yong ki deiwa em yei mynsien sñiawlem ya ki.

Neiliang yong ka Dorbar Chnong da kitbok kitrwiang ko ya oo wa u Blai u e u ya oo da i doh i pran wa chait wa khiah yow leh chooh chooh u yeiwa bha. I pyntip na u Secretary chnong Lapangap u Saikia Sumer.

Ka Dorbar Chnong Lama da pynsñiaw ko yei sñiawngooh yei yarap wa e da u MDC ka thaaiñ u Dr. Sankey Shangpung cha ka chnong deiwa saam khoo u ya ki paaid yong ka chnong ha ka 24 tarik uni u bnai.

Ka chnong da sñiawngooh ko yei kitkhia u MDC wow yarap ha kam kini ki por wa chem chitom kiwa chong chnong. Kiwa yahkhmat ka chnong nadooh u waheh chnong u Nio Rymbai wa u Secretary chnong u Eladmi Suchen da e khublei kyrkhu kyrdoh ki ya u MDC wa u Blai u emlang u chirup hei kaam hei jaam hei nang hei chait khamtam wow ye u wow wanrah yaka roi ka paar hapoh ka Constituency hi waroh hi kawi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Waheh Chnong yong ka chnong Iapmala dap u da i kmen wa khroo wa da yoh yarap khoo na u MLA yong ki u Kyrmen Shylla wei kamjooh leh na MDC yong ki u Dr. Sanky Shangpung.

Ka VDP Amlarem da pynsñiaw ko yei sñiamngooh wa khroo ya u Kennedy Surong uwa da yarap ya ka VDP neibynta iwa emkaam hapoh chnong Amlarem ha kani ka Lockdown. Ka VDP Amlarem da kitbok kitrwiang ko ya uni u waheh wa u Blai u kyrkhu u ya oo yow yoh u yei doh i pran wa chait wa khiah. I pyntip na u President ka VDP u Pailakor Buam.

Ka Dong Iawpynsin Wahiajer da pynsñiaw ko yei sñiawngooh ya u Sniawbhalang Dhar, MLA uwa man leh u montri sorkar uwa da e da u khoo cha ki khon yong ka dong ha kam kini ki por. Neilang u Secretary Dong ka Iawpynsin Wahiajer u Wimbledon Lamare da ong u ki khon ka dong dap ki da i kmen wa khroo hawa yoh pdiang ki ya uni u khoo na u MLA, neibhah hapoh dong dang boon kiwa dooh, chooh chooh da ong u leh iwa sñiawsuk toh wa em ki khon yong ka dong kiwa e bhah ya u khoo yong ki cha kitu kiwa rap dooh, iwa pynyoo wa em ki ya itæ i mynsien wa maya iwi ya iwi hapoh dong.

Ka chnong Mookhep da pynsñiaw ko yei sñiawngooh ya u MLA yong ki uwa man leh u montri sorkar u Kyrmen Shylla uwa da saam ya u khoo cha ki wadooh waduk ki khon ka chnong Mookhep East Jaiñtia Hills District haka 25 tarik uni u bnai.

Kiwa yahkhmat chnong da e khublei kyrpang ki ya u MLA wa smat u wow yarap ya kiwa kup chiliang sem chiliang ha kam kini ki por wa chah ktah ha u khniang khlam COVID-19. Da ong wa e wa u Blai kynrad u emlang u wa u MLA yow yoh u da i chait i tram deilang waka yung ka sem yong oo yow ye chooh ko u yarap naki por cha ki por hapoh ka Constituency yong oo wa hapoh ka jylla waroh kawi, pynkut ka kyrwoh na u Francis Dkhar, Secretary chnong Mookhep.

(I dur- Chnong Mookhep)