Uwi u bru samen uwa tip pyrtuid kam u William Sungoh uwa naka chnong Shangpung uwa em ya i mynsien sñiawlem ya kiwi, da yarap u da u khoo uwa em kamwa 50 Quintal cha kitu kiwa chem chitom wym yoh de u lai mylla næ lai kreh ha kini ki por wa ka sorkar da pynkrehkaam ko daka Lockdown.
Neiliang ka HYC War Jaiñtia Circle da pynsñiaw ko yei yaroh ya kam kini ki bru kiwa smat wow yarap lang ya kiwi ha kam ini i por.
Heipor wa saam khoo da emlang leh u Sport Secretary ka seiñ HYC War Jaiñtia Circle u Bonanza Shylla wa u Secretary ka seiñ u Dilast Shylla wei kamjooh leh u Secretary ka chnong Amlarem u Dibor Talang wa ki VDP ka chnong Amlarem kiwa da kreh chitom wow pynbait yei yieñ kiwa wan chim ya u khoo katkam ki kyndon ka sorkar deiwa bood yaka Social Distancing.
Da e khublei leh ya u Let Dkhar uwa kreh chitom nadooh wa sdang wow pynbait ya u khoo wei wow thooh yei pyrtuid ki bru kiwa chem chitom hakam kini ka por wa maad yei eh ha Amlarem.
Discussion about this post