Pynyinsur ka sorkar ya i por wow su dan kiwa khayi petrol cha ka 15 Naisan

Shillong: Ka sorkar jylla da rai ko wow e por chooh ya kiwa pynlai ya ki Petrol Pump wa kamjooh ya kiwa pynlai ya ki mar na ki Petrol Pump wow su ya ka dan hadooh ka 15 u Naisan uni u snem.

Hawa yaklam ynne ka sngi hadien wa da kut ka yalang ka dhab ki montri (Cabinet), u Symbood Montri Rangbah ka jylla, u Prestone Tynsong da ong u wa ka sorkar da chim ko ya kani ka rai hadien wa da yoh ko yei ood na kiwa khayi wa chem chitom ki wow su ya ka dan heipor wa em ka Lockdown.

Da ong u leh wa ka sngi wa khaddooh wow su ya ka dan heithaw wow su ya ka ha ka 31 tarik u Wisu tangwa da rai wow pynyinsur noh hadooh ka 15 tarik u Naisan.