Shillong: Ka sorkar jylla ynne ka sngi da pdiang ko wow e yarap cha ki 2 lak duna kiwa mylla sngi kiwa da dooh kreh na i khang chnong namo ka Lockdown kawa da lai kattu da palat chi bnai, wow yada na i poor u khñiang COVID-19.
Neiliang u Prestone da ong u wa ka jylla da pynlang ko ya ki pyrtuid ki bru kiwa da chah ktah na ka Lockdown wei da rai wow e yarap T.700 chi tayaw cha ki 1,84,184 ngut kiwa mylla sngi.
Da ong u leh wa i e yarap na ka sorkar u sdang i nadooh ka 23 Wisu (March) hadooh 14 Naitung (Apr) wei ya ini i rai daw phah noh cha ka chnat Labour ka wow leh yeiwa emkaam.
Chooh chooh da ong u wa ka sorkar da yoh pynlang ko wa em kiwa khih mylla na waroh 11 tylli ki District, wa kynthup ya ka East Garo Hills 6,315 ngut, East Khasi Hills 94,177 ngut, West Jaiñtia Hills 25,547 ngut, Ri-Bhoi 10,489 ngut, South Garo Hills 3,185 ngut, West Garo Hills 7,562 ngut, North Garo Hills 7,546 ngut, West Khasi Hills 9,475 ngut, East Jaiñtia Hills 11,350 ngut, South West Khasi Hills 4,640 ngut wa South West Garo Hills 2,061 ngut.
Discussion about this post