Ki VEC kiwa da yoh Work Order toh u su ki yaka bainong hanla ym pu sdang kreh, ka bai kit ya u khoo rachon da su da ka sorkar: Prestone

Shillong: Ka sorkar jylla da pynche ko wa ki wakreh chispah sngi kiwa ki Village Employment Council (VEC) da yoh ki yaka Work Order wa toh u yoh bait ki yaka bainong hanlada ym pu em sdang i kreh.

Ya ini da pynche da u Prestone Tynsong hawa kylli hadien wa da mih i angnood ki wakreh 100 sngi kiwa da chah paan noh ka poisa wa toh u yoh ki T.4500 kawi ka manyung. Da ong u wa waroh ki VEC da dep ki wow pynkhreh ya ki Annual Working Plan wei hawa yoh ya ki Work Order toh u su ki yaka bainong cha kitu kiwa em ya ka Job Card.

Ha kawi won ka liang u Symbood Montri Rangbah da pyntip u wa yaka bai kit ya u khoo rachon da su hi da ka sorkar wei kiwa saam khoo ym ye ki wow khñion ya ki paidbah wa toh u yoh ya utai u khoo deiwa chim tam ya ka poisa næ saam duna ya u khoo.

Da ong u wa lada ki paidbah chem ki ya kiwa leh kamtæ toh u pyntip cha ki bor wa hajrong yow pynchitom katkam ka aiñ ya kiwa chim kabu.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025