U Amnesty Salahe uwa chong wa sah ha ka chnong Samasi, EJH uwa man leh ha i jooh i por kam u Secretary chnong yong ka chnong Samasi, deilang waka yung ka sem ka yong oo, da e yarap paidbah deiwa saam mynkna ya u khoo wa i blooh cha kiwa chong chnong yong ka chnong Samasi kamjooh wa kiwa chong chnong yong ka Shyrwang.
Da saam ya u khoo kamwa 3kg chi khliehbru cha ki 833 ngut bru wa i blooh wan 1kg chi yung bru cha ki 160 tylli ki manyung yong ki 2 tylli ki chnong.
Neiliang ka Dorbar Chnong Samasi da pynsñiaw ko yei sñiawngooh ya u Amnesty Salahe, u khon khynroo yong ka chnong yei saam sñiawbha u ya u khoo wa i blooh cha ki 651 ngut kiwa chong chnong.
U waheh chnong ka Samasi u Siving Salahe da e khublei kyrpang u ya uni u khynroo wa da e sñiawbha u yaki marbaam cha kiwa chong chnong yow man ko leh i yahluti ya kiwa boon walang kiwa em mynsien u yarap yaki paidbah khamtam ha ini i por wa em kani ka Lockdown.
Discussion about this post