Jowai : Du hadien kattu katni sngi wa chah kem uwa dai drugs, ynne ka sngi ki pulit ka Jowai Police Station da yoh kem ki sa uwi uwa suba dai drugs heipor kamwa 3 waje i sngi najan Nan Kasari hajan ka lad wow lai cha Office u SP ka WJH.
Ya uni u bru da tip pyrtuid kam u Chandiam Bthuh uwa na ka chnong Mihmyntdu wei da kem ya oo na kawi ka kari kamai wa em u No. ML 04 B 8778.
Na uni u bru da yoh hadooh 3 gram i drugs Heroin chirup wa ka poisa kamwa T. 3000.
Da ong wa u Chandiam toh uwa kreh hapoh ka JHADC wei hei yatoh wa ini i drugs wa yoh na oo da kam u wa man u uwa dih wei thmu u leh wow pynemkaam u pynda oo ya oo hi.
Iwa phylla dooh toh wa ya uni u bru da kem du hadien wa kut ka programme International Day Against Drug Abuse and Illicit Trafficking wa man ha Thomas Jones Synod College wa da pynman da ka Manbha Foundation.
U Chandiam da kaam u leh wa oo toh uwa dang dih dawai na ka Manbha Foundation.
Read also : Chah kem uwa suba dai drugs ha ka miet 24 tarik
Discussion about this post