Ka seiñ Jaiñtia National Council (JNC) pynsñiaw ko ya i sñiaw lyngngoh heiyatoh wa i rai ka sorkar jylla wow e laad kamwa 30 tylli ki truck kiwa na baar ha ka chi sngi wow lai booh mooyong cha ki Cement Plant hapoh East Jaiñtia Hills, wot hapyrdi i krehkaam ka Lockdown ha waroh kawi ka ri India.
Ka seiñ da ong ko chiboon ki Company, ki Factory, ki kaam khayi waphær waphær nadooh kiwa heh tam hadooh kiwa khian tam hapoh ka ri India da em ki hapyrdi i Lockdown katkam wa man, tangwa sñiawphylla won wow tip waka sorkar Meghalaya em ko i sñiawkhia du neibynta ki Cement Plant kiwa em hapoh East Jaiñtia Hills deiwa ka sorkar rai ko wow e laad yaki truck kiwa na baar wow pynbiang mooyong cha kini ki Cement Plant wot hapyrdi ka Lockdown, boi ye u em i daw kawa cha kylla heiyatoh wa ini i rai ka sorkar ha kam ini i por.
Ka seiñ JNC da kyntu joor ko wei dawa ko naka sorkar jylla wow pynsangeh chwa ya ini i thmu yong ka sorkar wow chah ya kiwa na baar wow pynbiang mooyong cha kini ki Cement Plant kiwa em hapoh East Jaiñtia khnang wow lait na i mih iwon iwon i kulmar, neibhah ini daw ktah ko ya i sñiaw ki paidbah yong ka thaaiñ pynkut ka kyrwoh na u W.S. Suting, President JNC.
Discussion about this post