Shillong: Ka sorkar jylla da rai ko wow pteiñ yei khang wow wanrah ya ki sniang na baar jylla, wei da rai leh wa ym chah wow khayi sniang hapyrdi ki District ka jylla.
U Symbood Montri Rangbah ka jylla, u Prestone Tynsong da ong u wa ka sorkar da yoh yutip ko katkam ki Test wa da leh da ki jylla wa yoh kjut ki sniang wa i kjut ki sniang toh na ka African Swine Fever, wei yeini da chem hadien wa da Test ya ki nongmuna (Sample) ha ICAR ha Bhopal.
Da ong u wa i pteiñ ka sorkar wow khang chwa ya i khayi sniang toh wa ym kwah ko u em kiwon kiwon kiwa yoh kjut ha jylla.
Chooh chooh da pynrap leh wa hanlada ka sorkar da khang ko wow khayi ya ki sniang hapyrdi ki District, tangwa ki paidbah toh u chet bha ki ya i doh sniang chwa wow baam.
Da ong u leh wa ka sorkar da phah ko ya waroh ki District Veterinary Officers wow man kiwa paitsiar wei kiwa syndong deiwa lai pait ya waroh ki thaw psan sniang.
Discussion about this post