Shillong: Ka sorkar jylla hadooh ynne ka sngi ympu em u chim ko ya ka rai wow wai noh ya ki skur wa ki thaw puræ ha ka jylla, wei neiliang u Montri wa pait ya ka chnat i puræ puthi ryngkat wa ki sahep yong oo, ynne dang pteiñ ki yei phyllu yumut wa kiwa pynlai ya ki thaw puræ ha ka jylla.
Hawa pyntip yeini, u Symbood Montri Rangbah ka jylla, u Prestone da ong u wa ka sorkar ympu ye ko wow chim rai hajrong wow wai ya ki thaw puræ la ha sor næ palat sor, khamtam hadien wa pynbna ka sorkar pyrdi wow pteiñ ya ka Lockdown hadooh ka 17 tarik uni u bnai.
Heijooh i por, u Montri da ong u wa ki Examin wa dang sah yong ki khynnah Class XII daw pteiñ noh kamwa da rai da ka sorkar wei ya ini daw pynbait da ka chnat puræ puthi, neibhah wa em sa kamwa 1000 ngut ki khynnah wa dang haap wow pyndep ya ki exam wa sah wa kynthup yong ka MBoSE wa CBSE.
Discussion about this post