Shillong: Hanla ki tre jylla (Meghalaya) kiwa sahkut cha kiwi won ki jylla ka thaaiñ mihsngi da sdang wan yung biang ki ynne ka sngi, neiliang ka sorkar daw chimpor sa chibnai wow pdiang ya kiwi tawon kiwa neh ha kiwi ki jylla wa Union Territory ka ri India.
Neiliang u Symbood Montri Rangbah, u Prestone Tynsong da kyntu u ya waroh kiwa chong chnong wa neh cha baar ka North East wow man ki kiwa yaichah hadooh wa kut u Naisan, khnang wa ka sorkar u ye ko wow pynbiang yei emkaam waroh. Da ong u leh wa ini i kyntu ka sorkar toh neibynta i bha i miat ka jylla.
Da ong u wa kitu kiwa chong chnong u sñiawbha chong ki ha ki thaw wa em ki wei wow sñiawthooh yei eh i khoo wa chem ka sorkar, wei ya ki bru wa kreh ha phrang dooh (Frontline Worker) wow yada na u COVID-19. Da ong u leh wa ka sorkar dang em boon ki kreh wa haap pyndep ko khnang wow yada na u khñiang COVID-19.
Chooh chooh da pyntip u wa ki tre jylla wa neh cha kiwi ki bynta ka ri India em ki palat 8000 ngut, wei i pynpsiah pyrtuid ya kiwa kwah u uiñ biang cha yung dang pteiñ i. Da pyntip u leh wa ka sorkar da rai ko wa kitu kiwa wan na ki thaw wa chah ktah namo ki Red Zone daw haap pyndep ki ya Quarantine hadooh 28 sngi lada wan uiñ ki cha ka jylla.
Ha iwi i liang won, u Prestone da yaroh u leh ya kiwa chong chnong kiwa da rai wow dam u wan uiñ cha ka jylla ha kam ini i por, neibhah wa ym kwah ki wow booh hei eh i khoo ya ka jylla deiwa pyntip leh wa em ki kattu katni ngut kiwa da yaklam u kiwa da ong wa ym kwah ki wow liwan cha Meghalaya, heiwa neiliang yong oo da salam u ya kini ki bru.
Discussion about this post