Ujor ka KSU pyrchah yaka App wa pynemkaam bakla yei pyrtuid ka jylla wa ya i dur ki kynthai

Ka KSU da ujor FIR ko ha u Aditya Goenka, SSP, Criminal Investigation Department (CID), Meghalaya, Shillong pyrchah ya kawi ka App wa tip kam ka Begin Live kawa da pynemkaam bakla ya i pyrtuid ka jylla Meghalaya kamjooh ki kynthai kiwa da kam toh kiwa napoh Meghalaya.

Kani ka App leh toh kawa da Advertise ha Facebook yow yoh bru ki kiwa pynemkaam napoh ka jylla kiwa kwah u yachem lok thymme katkam wa kam kani ka App.

Ha ki Advertisement ya kani ka App da booh ki da ki dur ki kynthai deiwa kam wa toh kiwa na Meghalaya deiwa kam wa lyngba kani ka App daw yoh u leh yaki Video Call wei Message wa kini ki kynthai wa da suba toh kiwa da chim donhi i dur na ki Social Media heiwa kiwa pynemkaam won da pynbor yaki wow su poisa ki yow ye u pynemkaam ya kani ka App.

Ka KSU haka ujor da chem ko wa ya kani ka App da chna ha Hong Kong, ha i thaw (Address) Rm906 Tower A, Viking Technology and Business Center, 93 Ta Chuen Ping Street Kwai C wei ka e-mail- [email protected] katkam wa pynyoo ha Google Playstore.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Union da ong ko wa sñiawkhia ko yaki kaam chah chim kabu ki khynroo ki khyllood katni kiwa chah ieñ ha kam kini ki kaam lyngba ka Internet waki Social Media heiwa chah pynemkaam bakla ki kynthai kamjooh ki khynnah kynthai yow poi ki chadooh wa hap ki wow dai yei doh yong ki. Kamtæ ka seiñ da ong ko wa kiwa chna ya kani ka App i thmu yong ki toh i wym yo tikna toh iwa bha wei hadooh ka Ministry of Information and Broadcasting leh to pynkhor bha ko ya ini kamjooh leh ya kiwi ki App kiwa kam kini ki jooh.