Khliehriat: Ynne ka sngi ka Synjuk Waheh Chnong ka East Jaiñtia chirup wa ka Jaiñtia Amalgamated Redressal Forum (JARF) wa kiwi ki seiñbhalang da pynman ki ya ka yakhih haphrang ka yung krehkaam u DC ka East Jaiñtia Hills.
I daw wa da pynman ya kani ka yakhih toh wow pyrchah wei wow pynsangeh yei wanrah ya u mooyong na jylla Assam cha ki karkhana pynmih khyndaw-bilat wa em hapoh ka District.
Kiwa chimbynta da rah ki yai kot rben kiwa da thoh ya ki kyntien wow beiñ ya ka sorkar hajrong kani ka rai wow chah u wanrah ya u mooyong na baar jylla wei wow dawa wow pynsangeh noh ya kani ka rai.
Hadien wa sdang kani ka yakhih, neiliang u DC ka District da khut u ya kiwa mihkhmat kini ki seiñ heiwa da dawa ki na oo wow sangeh noh sbak ya ini i rai wow wanrah mooyong na Assam.
Hadien ka yalang hawa yaklam wa u Helping Phawa hadien wa kut ka yachem wa u DC, da pyntip u wa neiliang yong ki da yieñ skem ki wow pyrchah ya kani ka rai ka sorkar wei neiliang u DC leh da kular u wow pynsangeh wow wanrah mooyong na Assam nadooh mynstep ka sngi.
Discussion about this post