Ki yukheiñ wa da yoh man ka sngi naka chnat Ministry of Health and Family Welfare kamjooh leh naki chnat pathai khubor ka sorkar pyrdi wa da e ki man ka sngi, hadooh ynne i step kiwa da yoh ya u COVID-19 hapoh ka ri da em ki 52,952 ngut.
Haka 3 tarik uni u bnai (May) kiwa yoh COVID-19 ha India da poi nyngkong ki palat 40 hajar ngut deiwa em 40,263 ngut wa kynthup leh ya kiwa da chait, kiwa da yap wa kiwa dang em ya uni u khñiang (Active Case).
Haka 3 tarik ki Active Case da em ki 28,070 ngut katwa hadooh ynne ka 7 tarik hadooh i por 8 waje i step da em 35,902 ngut ki Active Case iwa ku da 7,832 ngut lane kiwa dang yoh thymme ya u COVID-19 ha kini ki 4 sngi.
Haka 3 tarik kiwa yap da em ki 1306 ngut katwa hadooh ynne kiwa yap da em ki 1783 ngut.
Haka 3 tarik kiwa chait da em ki 10,887 ngut katwa hadooh ynne won da em ki 15,267 ngut iwa ku da 4,380 ngut nadooh ka 3 tarik.
Ha kini ki 24 kynta won kiwa dang yoh thymme ya u COVID-19 (Active Case) da em ki 2,388 ngut iwa da em waroh 35,902 ngut.
Kiwa dang chait da em ki 1084 ngut heiwa waroh da em 15,267 ngut.
Kiwa dang yap da em ki 89 ngut, waroh da em 1783 ngut.
Hadooh ynne i step lada kheiñlang waroh nadooh kiwa dang em ya uni u khñiang, kiwa da chait wa kiwa da yap da em 52,952 ngut.
Discussion about this post