U montri i chait i khiah ka jylla Assam u Himanta Biswa Sarma ynne i miet da pynbna u wa da em sa 8 ngut kiwa yoh COVID-19 ha Assam.
Ka jylla Assam ha kini ki sngi wa da dep da pdiang ko yaki bru yong ka kiwa em cha baar ka jylla deiwa lithooh yaki kam na Rajasthan wa Gujarat.
Kamtæ nyngkong u Sarma da pynbna u wa 4 ngut ki bru wa em haka jooh ka Bus wa wan na Rajasthan kawa man leh ka jooh ka Bus wa emlang uwa yoh COVID-19 uwa pynbna ynnin ka sngi uwa na Cachar District, Assam da yoh lang ki ya u COVID-19.
Hadien ini da pyntip u wa da em sa 4 ngut kiwa yoh COVID-19 heiwa uwi toh uwa wan na baar ka Assam uwa da em kattæ hapoh ka Home Quarantine katwa 3 ngut won kiwa na Guwahati.
Wa kini waroh kiwa da yoh COVID-19 ha Assam da em ki 53 ngut heiwa 34 ngut da chait ki, 18 ngut toh kiwa dang em ya uni u khñiang wa uwi uwa yap.
Ki dur: I thaw sylli ya kiwa dang liwan cha Assam ha Sarusajai Stadium yow pait bniah yei long i man ki wei wow chim Sample yow phah Test.
Discussion about this post