Ka sorkar Meghalaya da pyntip ko wa hadooh ynne ka 7 tarik kiwa da liwan chapoh ka jylla kiwa sahkut cha ki jylla ka thaaiñ mihsngi da em ki waroh 1642 ngut na ki 3000 tam kiwa da dep Register waka sorkar.
Ki thaw psiah chapoh ka jylla da booh soo tylli wei kiwa da liwan man ki kamni ha wah:
- Byrnihat, Ri Bhoi District- 684 ngut
- Bajengdoba, North Garo Hills-701 ngut
- Ratacherra, East Jaiñtia Hills-184 ngut
- Tikrikilla, West Garo Hills-73 ngut
Kini waroh daw hap ki wow leh yaka Qurantine wa 14 sngi.
Neiliang u symbood montri rangbah u Prestone Tynsong da ong u wa kitu kiwa sahkut cha kiwi ki jylla ka ri won kiwa ym pu yoh u liwan wow man ki kiwa yaichah neibhah ka sorkar da yaleh ko katwa ye yow pynbiang yaka rel namo ka lieñsuiñ wa kyrpang yow wanrah yaki chapoh ka jylla.
Ya kitu won kiwa liwan na ki jylla ka thaaiñ mihsngi kiwa dang sah, da yooluti u wa hadooh kani ka sngi Bibar waroh daw yoh ki u psiah noh chapoh ka jylla.
Discussion about this post