Ynne i step heipor kamwa 5:15 kawi ka rel kit mar ka Indian Railways da tyrrah ko ya kiwa khih mylla kiwa thmu wow liwan yung heipor wa thiah ki ha ka luti (track) wa lai luti kani ka rel ha Aurangabad, Maharashtra.
Ha ini i jia da khlaad 16 ngut ki bru wei da mynsoo leh kamwa kattu katni ngut katwa da lait em takha won ki 2 ngut.
Da pyntip wa kini kiwa khih mylla toh kiwa thmu wow liwan yung, cha Madhya Pradesh wei neidaw wa ngiah ki, da thiah ki ha ka luti wa lai kani ka rel.
Neiliang ka Indian Railways da ong ko wa uwa yah ya kani ka rel mar ya yoo u ya kini kiwa thiah ha ka luti da pyrchang u wow sangeh tangwa ymye u wow sangeh ya ka heipor wa biang wei da tyrrah noh ko ya ki wei ini da jia i hapyrdi ka Badnapur wa Karmad Station.
Ya kiwa mynsoo da pynkit ya ki cha Aurangabad Civil Hospital.
Ka chnat Railways da ong ko leh wow takit ko yeini iwa jia ynne i step.
Discussion about this post