Ynnin i miet u montri i chait i khiah ka jylla Assam u Himanta Biswa Sarma da pynbna u wa da em 8 ngut kiwa dang yoh ya u COVID-19 ha Assam heiwa 5 ngut na kini toh kiwa dang liwan cha Assam wa 3 ngut won kiwa em ha Guwahati.
Na kini ki le ngut, uwi toh uwa lai puræ Post Graduate ha Gauhati Medical College and Hospital (GMCH), Guwahati.
Ynne, u Sarma da pyntip u wa dang booddien ya waroh kiwa da yachem wa uni uwa lai puræ wei daw hap siat pynkhooid ya waroh i ka thaw ka GMCH wei daw hap khang ka leh kattu katni sngi wei ym pdiang de ya kiwon kiwon kiwa phah wan sumaar thymme.
Heiyatoh won wa kiwa chah sumaar kiwa da em heini daw pynbait daw pynbiang yeiwa emkaam ki wei daw chim leh yaki Sample naki yow leh yaki Test.
Kamwa man kattæ kiwa yoh COVID-19 ha Assam da em ki waroh 53 ngut heiwa na kini da chait 34 ngut, yap uwi wei kiwa dang em ya uni u khñiang da em ki 18 ngut.
Discussion about this post