Khliehriat: Ka seiñ Southern Border Youth Welfare Association (SBYWA) Elaka Rymbai & Lakadong, East Jaiñtia Hills District ha kani ka 7 tarik da pteiñ ko u saam marbaam da u khoo, u dai wa i phniang baam cha kamwa 27 tylli ki manyung wa dooh haka chnong Bataw, kawa haap ha thaaiñ khappood Meghalaya (India-Bangladesh).
Ya i e yarap kani ka Association da yahkhmat da ki dkhot yong ka Association wa kynthup nadooh u E. Lamare, u Johnris Lyngdoh, u H.L. Tariang wa u S. Biam ha chnong Bataw heiwa kini dkhot da pynsñiaw ki wa ka seiñ u pyrchang bait ko wow yarap katwa ye i bor, ha kam kini ki por cha kitu ki yung wa dooh kiwa chem chitom bha neidaw wa em kani pakhang chnong hapoh ka jylla wei ha ri waroh kawi pyrchah ya u COVID-19.
Da ong ki leh, katwa kamtæ ka seiñ daw pteiñ chooh chooh ko wow e yarap cha kiwi de ki chnong kiwa em hapoh ka thaaiñ yong ki katwa chah i bor yong ka Association heiwa daw thooh ki laad ki luti neibynta u yarap ya kiwa dooh.
Kani toh katkam ka kyrwoh khubor kawa da phah lyngba u Namphrangmi L Talang, General Secretary, SBYWA, EJHD.
Discussion about this post