Saam ka Rotary Club Jowai ya ki Mask wa Sanitizer cha ki wakreh ka FCI

Ka Rotary Club Jowai ynnin ka sngi da saam ko ya ki Mask wa ki Hand Sanitizer cha ki sahep wa ki wakreh ka Food Corporation of India (FCI) ha ka Food Storage Depot (FSD) hei emlang kiwa yah truck, kiwa khih mylla wa kiwa dai Wholesale ha Khliehtyrchi. 

Ya ini da leh hei emlang u Additional Deputy Commissioner ka West Jaiñtia Hills, u L. Kynjing wa ki wakreh ka chnat Supply ka District. 

Neiliang u Rudolf Eustace Laloo (PHF), Secretary ka Rotary Club da batai u ya ki kaam ka Rotary International heiyatoh wa i khanglaad yei poor ka khlam u COVID-19 wei wow yarap ya kiwa chah ktah.

Uwa pait ya kani ka thaw, u D. Kharkulia da e khublei u ya kani ka seiñ wa ki bor District kiwa da pteiñ wow yarap wei wow kyrchaan ya ka FSD Jowai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Kynjing hawa e yei klam da e khublei u ya kani ka seiñ deiwa ong wa ka pyrthai da kylla ko kamjooh leh ka Rotary. Da e khublei u ya kiwa yah truck wa kiwa khih mylla wa ki wakreh kani ka thaw kamjooh leh ki wakreh ka chnat Supply Department kiwa da kreh khlem sangeh wow pynpoi ya ki mar baam cha ki paidbah. 

Da kyntu u leh ya ki wow kreh ki katkam ki kyndon namo ki SOP (Standard Operating Procedure) wa da booh ka sorkar wei da pynyoo u leh kammon wow pynemkaam ya ki Hand Sanitizer deiwa pyntip leh wa ki Mask wa ki Hand Sanitizer kiwa tam daw saam cha ki dong wa ki chnong ka District.