Ka chnat yada ri, namo ka Ministry of Defence (MoD) ynne da soi ko ya ka soskular, Modernisation of Air Field Infrastructure (MAFI) namo wow pynthymme ya ki thaw hiar lieñsuiñ ha ki 37 tylli ki Airfield ka Indian Air Force(IAF), Indian Navy (IN) wa Indian Coast Guard (ICG) wei ya kani ka soskular da soi wa ka M/s Tata Power SED (TPSED) hei lut iwa T. 1,200 klur wei ya ini da pdiang da u montri ka kaam yada ri, u Rajnath Singh.
Ka MAFI Phase-II toh kawa bood ya ka MAFI Phase-I kawa da kynthup wow chna pynthymme ya ki 30 tylli ki Airfield ka IAF. Ki Airfield wa da chna pynmiat ha ka MAFI Phase-I da yarap bha ko ym du ya ki chipai tangwa wot ya ki bru paidbah leh kamjooh.
Ki tiar kiwa daw booh ha kini ki Airfield daw pynyabi ya ki wa ka Air Traffic Control (ATC), wow em i yajan i krehkaam hapyrdi ki Air Traffic Controller.
Kani ka soskular (Contract) daw yarap ko ya ki karkhana wa em hapoh ka ri kiwa da chah ktah bha kam ha ini i por wei daw yarap ko leh ya ki 250 tylli ki Micro, Small & Medium Enterprises kiwa daw embynta hei wow kreh ya kini ki kaam.
Discussion about this post