Shillong: Ka sorkar jylla da ebor biang ko ya kiwa pynlai ka Bethany Hospital wow sdang pynkhooid noh ki ya ka Bethany Hospital kawa em ha Nongpoh neibhah wa ka chnat da dep sylli (Test) lut ko ya kiwa em ha kani ka thaw sumaar wei da chem wa ym em na ki kiwa da chah ktah ha u COVID-19.
Yeini waroh da pyntip da u montri wa pait yei chait i khiah ka jylla, u Alexander Laloo Hek uwa da ong wa ka sorkar da yoh chithi ko na u Deputy Medical Superintendent kani ka thaw, u Dr. CM Pohshna wow paan bor wow pynkhooid noh ya ka Hospital.
Da ong u leh wa haka Review Meeting wa emlang u Montri Rangbah ka jylla, da rai wow chah wow pynkhooid noh ya waroh kawi ka Hospital wei hadien wa pynkhooid da toh u chhah wow wai biang ya ka katkam i emkaam ki paidbah.
Katkam i ong u Hek da ong u wa ki paidbah ki emkaam ki ya kani ka Hospital neipor cheipor neibhah ha waroh kawi ka thaaiñ Ri-Bhoi da em du ka Bethany donhi kawa pynbiang ya ki thaw Test wa ha rukom.
Discussion about this post