Shillong: Ki Quarantine Center wa da pynkhreh da ka sorkar ha waroh kawi ka jylla ye wow pynemkaam du neibynta kamwa 900 ngut ki bru, wa kynthup ya ki 681 tylli kiwa da em chwa wa kamwa 250 tylli kiwa da wai ynnin ka sngi ha IIM Mawdiangdiang.
Kam wow pynkynmoo wa ka sorkar da phah ko ya kiwa chong chnong kiwa liwan na baar jylla wow leh yaka Quarantine haki yung yong ki, tangwa hawa kylli na u montri i chait i khiah, u AL Hek da ong u wa i phah leh Quarantine ha ki yung toh neidaw wa dang duna palat ki thaw wa da pynkhreh da ka sorkar, neiliang u montri da pyntip u wa ka sorkar dang thooh laad chooh wow pynemkaam ya kiwi ki thaw yow leh ya ka Quarantine.
Da ong u wa i phah wow leh ya ka Quarantine ha yung toh wa ym yoo emkaam wow booh ha ki Center wa da pynkhreh da ka sorkar neibhah ym chem wa kitu kiwa liwan wa em ki yaki dak ki chin wa chah ktah ki ha u COVID-19, wei du ya kitu kiwa suba wa chah ktah man ko kawa emkaam wow booh bait ha ki Quarantine Centre wa da pynkhreh da ka sorkar.
Hawa kylli ya i pynkhreh wow pdiang ya kiwi kiwa chong chnong ki wow liwan na kiwi ki jylla ka ri India, u Hek da ong u wa lada chem wa kitai kiwa liwan em ki yaki dak wa ye u chah ktah daw phah bait cha ki Center wa da pynkhreh da ka sorkar wei ym chah wow lai cha yung.
Discussion about this post