Shillong: I yap jong ki sniang hapoh ka jylla da pteiñ i wei da yoh yutip wa hapoh ka chitayaw da em hadooh 15 tylli ki sniang kiwa da yap ha kawi ka Farm kawa em ha Tongseng, Sutnga hapoh East Jaiñtia Hills.
Kam wow pynkynmoo wa ha kini ki kajiak tayaw wa da dep, da em i yap yong ki sniang ha ki bynta yong ka East Khasi Hills wa Ri-Bhoi District, tangwa neiliang ka sorkar da ong ko wa kini ki sniang ym toh kiwa chah ktah nei kjut African Swine Fever (ASF) katkam ka Report wa da yoh hadien wa da dep Test ya 8 tylli ki sniang.
Hadien wa kiwa chong chnong da pyntip ki ya ini i jia, da em ki laad pathai khubor kiwa da pynmih ya kani ka khubor ha Instagram wa Facebook wei ha i por janmiet ki wakreh wa ki Doctor ka Veterinary and Animal Husbandry da lai sylli ki ya kitai ki sniang heiwa da chem wa da napyrdi ki kattu katni tylli ki sniang da em kiwa da yap wei da pynman leh yaka Post Mortem ha katai ka Farm.
Neiliang ki wakreh ka V&AH mar ya yoh ki ya kani ka khubor lyngba ka Internet da kyntait ki wa ki sniang da yap ki na i chah ktah ha ka African Swine Fever wei da kam ki leh wa ki bru yong ka chnat da lai ki cha katai ka thaw wei da pynman ki yaka takit bniah ya i long i man yong ki sniang ha katai ka chnong.
Kamwa sñiawthooh wa i yap ki sniang ym toh na i kjut ASF, tangwa da mih ki phang kylli wa iyi yoh kjut kini ki sniang wa chah ktah hadooh wow yap ki da ki phaw tylli ha ka jooh ka Farm.
Discussion about this post