Phah leh Quarantine ka sorkar Meghalaya ya kitu kiwa wan na ki ar tylli ki thaw sumaar wa em ha Assam

by Wyrta Staff

May 9, 2020

Reading Time: 1 min read

U Commissioner & Secretary ka sorkar Meghalaya yong ka chnat Health & Family Welfare Department da phah u ya waroh kiwa napoh ka jylla kiwa da lai cha ka Guwahati Medical College Hospital (GMHC) wa cha ka Dr. B. Borooah Cancer Hospital, Guwahati neibynta kiwon kiwon ki kaam nadooh ka 23^rd April 2020 wow phone ki wut wut cha u 108 Helpline.

Ya kini ki bru wa lai cha kini ki thaw nadooh ka tarik wa da daw haneiñ hap ki wow leh yaka Home Quarantine chi syndon deilang wa kiwa ha yung ha sem yong ki.

Neiliang ka sorkar daw phone won ko cha kini yow khana bniah yaki yeiwa emkaam ki wow leh.

Ya ini da leh hadien wa da em uwi u Doctor ha GMHC wa uwa em yatoh u wakreh ka Cancer Hospital da pyntikna wa yoh COVID-19 ki haka 7 tarik uni u bnai.