Ka chnong Tuber Kmai Shnong haka 7 tarik uni u bnai da yoh ko ya u khoo wa da e yarap da u Kyrmen Shylla uwa man u MLA ka thaaiñ heijooh i por u montri sorkar Meghalaya.
ka chnong Tuber hei yah luti u waheh chnong u Jiedlang Sana wa u Secretary u Micky Lyngdoh deilang wa kiwa kitkaam dong waphær waphær waki VDP da ya pynbait ki toh u saam ya uni u khoo cha waroh ki thlu yung kiwa em ha Tuber khlem da leh chiliang khmat kamjooh kam i angnood u MLA.
Ha ka 9 tarik uni u bnai won, neiliang ka Ramakrishna Mission Sohra lyngba i yah luti kiwa kitkaam yong ka wei kam ka dak wa sñiawburom ya u Shibait Phawa uwa man uwi na u khon khynroo yong ka chnong uwa lai puræ haka skur yong ka Ramakrishna uwa jop yaka Space Quiz Competition uwa da yoh leh yaka naam wow yachem wa u Prime Minister ini i por wa dadep, kamtæ da wan e burom ko yaka chnong da u khoo wa u dai hadooh kamwa 281 tylli ki manyung kiwa dooh wa duk tam haka chnong.
Kamtæ neiliang ka Dorbar Chnong Tuber Kmai Shnong dap ko dei mynsien wa sñiawngooh yaki bru kiwa yarap kyllooid mynsien yaki khon ka chnong kiwa chem chitom khamtam kam ha kani ka por wa kordit nadooh u Kyrmen Shylla MLA, u Phransis Swer, Khliehriat, u Bor Shylla, Khliehriat, Ramakrishna Mission Sohra waka Onita Swer na Khliehriat West kawa yarap yaki khonswet kiwa em haka 7 Thyndai Child Care Institute Tuber Kmai Shnong kamjooh ki khonswet kiwa em hapoh chnong, da e yarap ko da u khoo, salah wei phniang baam.
Neiliang u waheh chnong da booh u leh ya i ngooh Blai wa kyrpang neibynta kini kiwa yarap yaka chnong deiwa ya emlang ki dkhot yong ka chnong waroh kawi.
I pyntip katkam wada phah da uwa e buit ka chnong u Wanthmu Phawa.
Discussion about this post