Ka Ministry of Health and Family Welfare ka sorkar India da pyntip ko wa hadooh 8 waje ynne i step ka 10 tarik ha kini ki 24 kynta i ku kiwa chah ktah na u COVID-19 da em ki 3,277 ngut.
Na kini ki 3,277 ngut, kiwa dang yoh thymme da em ki 1,638 ngut, 1,511 ngut kiwa chait wa 128 ngut kiwa yap.
Na ki jylla won, ka Maharashtra dang man hi ko kawa chah ktah dooh hapoh ka rei heiwa kiwa da yoh ya u COVID-19 da em ki 20,228 ngut wei na kini kiwa chait da em ki 3800 ngut wa 779 ngut kiwa yap.
Ki jylla/UT won kiwa da lait na u COVID-19 toh ka Andaman & Nicobar Islands heiwa da chait waroh ki 33 ngut kiwa da yoh ya uni u khñiang. Ka jylla Goa kawa da chait waroh 7 ngut kiwa yoh ya uni u khñiang, waka jylla Arunachal Pradesh deilang waka Mizoram kiwa em mar uwi heiwa kini leh da chait ki.
Ka jylla won kawa ym pu em chah ktah toh ka Sikkim katwa uwi won uwa yoh COVID-19 ha Nagaland toh uwa da kit cha Assam wei uni leh toh uwa da yoh u mih Hospital.
Naki Union Territory kiwa ym pu em chah ktah toh ka Lakshadweep.
Lada kheiñlang waroh nadooh kiwa dang em ya uni u khñiang (Active) case kiwa em 41,472 ngut, kiwa da chait 19,358 ngut wa kiwa da yap 2,109 da poi 62,939 ngut kiwa da chah ktah.
Discussion about this post