Hadooh 2004 tylli ki dukan wow wai ha East Khasi Hills nadooh 12 hadooh 16 tarik

Shillong: Ka Deputy Commissioner, East Khasi Hills District da pyntip ko wa kam chibynta wow e laad ya kiwa chong chnong ka District wow thied wow pyndap ki ya iwa emkaam ki man ka sngi kamjooh kiwa em ha sor Shillong waki khap sor, kiwa em ha Sohra wa Pynursla Civil Sub-Divisions waki C&RD Blocks ka East Khasi Hills District da chah wow wai ki dukan kiwa da chah jied nadooh ka 12^th May, 2020 hadooh 16^th May, 2020 nadooh 9:00 A.M. hadooh 4:00 P.M. ha kini ki sngi.

Da chah u wai waroh ki dukan Fair Price Shops, kiwa dai phñiang charak, kiwa kiwa da Register ki Supplier wa Retailer ka Animal Husbandry & Veterinary wa Agriculture Departments, ki dukan dai khoo wa kiwi ki marbaam, dai jhoor, dai baam dihcha, dai doh, dai Hardware wa Electrical, i leh yaka Home Delivery yaki kot da ki dukan dai kot, ki Mobile Car Repairing Service wa kynthup ya uwa yah kari wa arngut ki wa chna kari (technicians/mechanics) u chah u krehkaam ki.

Ki dukan wa da jied wei da e bor wow wai ki da em ki 2004 tylli wa 20 tylli ki Mobile Units, yow ye u pyndap yeiwa emkaam kiwa chong chnong.

Ka Deputy Commissioner da pyntip ko wa ini i rukom wai dukan da yabah deiwa chah ha sor Shillong wa ki thaw khap sor u wai ki nadooh ka 13^th May, 2020 hadooh ka 14^th May, 2020 nadooh 9:00 A.M. hadooh 4:00 P.M ha kini ki sngi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha Sohra wa Pynursla Civil Sub-Divisions wa ha waroh ki C&RD Blocks ka East Khasi Hills District u wai ki nadooh ka 12^th May, 2020 hadooh ka 16^th May, 2020 nadooh 9:00 AM hadooh 4:00 PM ha kini ki sngi.

Da chah leh wow booh yaki thaw su bai bordiñ ka Meghalaya Energy Corporation Limited haki Community Hall.

U wai ki Common Service Centres, kiwa dai umsong, umsoh kiwa da yoh bor, ki Authorized Car Wash kiwa da Registered waka Meghalaya State Pollution Control Board.

Ki dukan dai kiad kiwa da yoh bor u wai, u wai ki hapoh East Khasi Hills District nadooh 11^th May, 2020 hadooh 16^th May, 2020 nadooh 9:00 AM hadooh 4:00 PM ha kini ki sngi.

Ki Pharmacy, Veterinary Hospitals, Dispensaries, Clinics, Petrol Pumps, Home Delivery, ki karkhana chna truck kiwa em ha ki sarok bah, ki bru samen wa kreh kam ki electricians, IT repairs, plumbers, motor mechanics wa mistri u chah u krehkaam ki ha waroh kawi ka District.