Jowai: Ka JSU ynne ka sngi da thoh ko cha ka sorkar jylla wow ap yeiwa ood ki tre jylla kiwa sahkut cha ki baar jylla, kini kynthup ki ya ki khynnah puræ, ki wakreh wa kiwi kiwi.
Neiliang ka seiñ da pyrchah ko yeini i thmu ka sorkar wow phah lithooh da kiwa hayung yong ki hi, wei phylla ko leh wa neiyi i daw wa pynmih ko (sorkar) ya ka hukum hajrong ka Transit Pass ya kiwa hayung wow lai thooh ya kiwa em cha baar.
Ka seiñ da kylli ko leh na ka sorkar heiyatoh wa lada kiwa ym em kari yong ki hi; lada ye ka sorkar wow pyntikna wa ka luti wa lai ki man ko kawa chngaaiñ, iyi wow jia lada sih ka kari ha luti; kiyi wow pynbiang ya i baam i dnih yongki, kammon wow tip luti ki, wa kiwi kiwi ki bynta kiwa ye u chem ha luti.
Neiliang ka seiñ da dawa ko na ka sorkar wow leh iwon iwon iwa emkaam heiyatoh wa kiwa sahkut cha baar jylla khamtam kiwa em cha baar ka thaaiñ
Ka seiñ da kam ko leh wa da yaklam ko wa uwi u tre jylla uwa neh sah ha Pune uwa da thooh laad katwa ye wow liwan biang cha yung wei da pyntip u leh wa em ym duna 200 ngut ki nong Meghalaya kiwa neh ha Maharashtra wa Gujarat kiwa kwah wow liwan yung.
Heiyatoh wa ini, neiliang ka seiñ da dawa ko na ka sorkar wow lithooh wei wow wanrah biang ya kini kiwa sahkut cha baar jylla deiwa bood ya ki kyndon wa da booh.
Discussion about this post