Ka sorkar India da pyntip ko waka chnat Indian Railways da thmu ko wow sdang noh wer wer u pynlai yaki rel kit bru (Passenger Train) nadooh ka 12th May, 2020, deiwa sdang chwa chi jur ki rel wa 15 tylli (30 tylli wa waroh wa kiwa lai wa kiwa wan).
Kini ki rel u lai ki kam ki ‘Special Train’ na New Delhi Station cha Dibrugarh, Agartala, Howrah, Patna, Bilaspur, Ranchi, Bhubaneswar, Secunderabad, Bengaluru, Chennai, Thiruvananthapuram, Madgaon, Mumbai Central, Ahmedabad wa Jammu Tawi.
Hadien ini daw sdang won ka Indian Railways rap boon ki thaw wow lai iwa chong katkam wa lait ki daba (Coach) deiwa da dep booh kyrpang chwa 20,000 ki Coach kiwa da pynemkaam kam ki COVID-19 Care Centres tangwa em hi ki Coach wow ye u pynlai hadooh 300 tylli ki rel man ka sngi kam ki “Shramik Special” neibynta ki baar jylla kiwa sahkut.
I leh Booking ya kini ki rel u sdang ko nadooh 4 waje i janmiet ka 11 tarik uni u bnai wei ye wow leh ya ini du naka IRCTC Website (https://www.irctc.co.in/). Ki Ticket Booking Counters wa em ha Railway Stations u man ki kiwa khang wei ym e Ticket ki hadooh ki Platform Ticket leh.
Du kiwa lai luti kiwa em yaki Ticket wa da tikna (Confirmed Tickets) u chah u psiah ki chapoh Railway Stations.
Kiwa lai luti hap ki wow deiñ Mask lane u tymmoh yei khmut i ktien ki wei hap ki wow leh yaka Screening wei du kitu donhi kiwa ym em ki dak ki chin wa chitom u chah u mih ki wow lai luti da ka rel.
Kiwi ki yutip wa emkaam heiyatoh waki rukom lai ki rel daw pyntip hadien.
Discussion about this post