U Cabinet Secretary uwa da chongknor ya ka yalang lyngba ka Video Conference ynnin da booddien u yei pynkhreh ki sorkar jylla wow lithooh ya kiwa sahkut cha baar jylla wa i pynemkaam ya ki bus wa ki rel ‘Shramik’ namo ki Special Train.
Neiliang ka MHA da thoh ko cha waroh ki jylla wow khang yei liwan yung kiwa khih mylla da i kjat ha ki sarok næ luti rel.
Da pynksan leh wow pynemkaam ya ki rel wa kyrpang namo ki ‘Shramik’ Special Train wa ki Bus ya kiwa da ebor wow lai.
Da kyntu leh ya ki sorkar jylla wow krehlang wa ka chnat Railways neibynta ki rel ‘Shramik’ hawa lai thooh ya kiwa sahkut cha baar jylla.
Hadooh ynne ka sngi da pynemkaam 468 tylli ki “Shramik Special” Trains ha kylleiñ ki bynta ka ri, heiwa 363 tylli ki rel da poi thaw ki wei 105 tylli toh kiwa dang em ha luti.
Kini ki 363 tylli ki train da pynkut ki yei lai luti ki ha haka jylla Andhra Pradesh (1 Train), Bihar (100 Train), Himachal Pradesh (1 Train), Jharkhand (22 Train), Madhya Pradesh (30 Train), Maharashtra (3 Train), Odisha (25 Train), Rajasthan (4 Train), Telangana(2 Train), Uttar Pradesh (172 Train), West Bengal (2 Trains), Tamil Nadu (1 Train).
Kini ki rel toh kiwa kit ya kiwa liwan cha ki jar jiar ki thaw kam cha Tiruchchirappalli, Titlagarh, Barauni, Khandwa, Jagannathpur, Khurda Road, Prayagraj, Chhapra, Balia, Gaya, Purnia, Varanasi, Darbhanga, Gorakhpur, Lucknow, Jaunpur, Hatia, Basti, Katihar, Danapur, Muzzaffarpur, Saharsa wa kiwi kiwi.
Hapoh kini ki Shramik Special Trains, ye u kit du 1200 ngut deiwa bood yaki kyndon Social Distancing. Da leh yaka Screening ya kiwa lai luti chwa wow chah u lai ki, wei ha luti da e ja mynkna kamjooh ka um.
Discussion about this post