Mih kawa dang yoh thymme ya u COVID-19 cha lait heipor wa dang leh Quarantine

Shillong: U Director ka DHS, u Dr. Aman War ynne ka sngi da pyntip u wa ka wakjut hadien wa chah ktah ko ha u COVID-19 da mih ko cha lait heipor wa dang toh u chong pyndep ya ka Quarantine ha yung.

Hawa kylli ynne ka sngi hajrong wa pyntip ba ki bru wa yoo ki wa mih ko cha sarok, neiliang u DHS da pyntikna u ya ini deiwa pyntip wa heipor wa dang toh u leh yaka Quarantine da mih ko cha surok wow lai thied ya kiwa emkaam, tangwa neiliang ka chnat i chait i khiah da pyntip u wa da leh ko yeiwa emkaam wow boodien yaki bru wa yachem ko.

Ha iwi i liang u Symbood Montri Rangbah, u Prestone Tynsong da pyntip u wa ya kawi won kawa ym pu em chait na u COVID-19 da phah biang ynne ka sngi ya i nongmuna (Sample) yong ka wei dang yang yaka Report.

Da pyntip u leh wa hadooh ynne ka sngi da phah Test em 2480 tylli ki Sample wei na kini 2342 tylli da chem wa ym em chah ktah ki wei 125 tylli kiwa dang yang ya ka Report.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024