Ynnin ka 13 tarik, u J Treilang Suchiang, MDC yong ka 16-Shangpung da hiar u cha ka chnong Kyndongtuber wei da saam u ya u khoo cha ki 395 tylli ki thlu yung kiwa haap ha ka Constituency yong oo.
Yeini i saam khoo da e salonsar cha waroh bait ki yung kiwa wan thooh ha Community Hall Kyndongtuber Dong, Elaka Shangpung nadooh i por 10 waje i step.
Ha chwa u sdang saam, neiliang u Waheh Chnong ka Kyndongtuber deilang wa ki Waheh Dong, Secretary Dong wa u Secretary VEC da e khublei, da e sñiawngooh ki ya u Treilang Suchiang MDC uwa da wan e yarap ya kiwa chong chnong kam ha kini ki por wa kiwa boon walang da chem ki yei eh i khoo neidaw ka Lockdown COVID-19. Kiwa yahkhmat yaka chnong da e ki yei khyrkhu kyrdoh ya u MDC wa u Blai u emlang u wa oo haki kaam wa chakri yaki paidbah ka Constituency.
Neiliang u Treilang, da pynsñiaw u yei kmen wa yoh u kam kani ka laad wow yarap yaki paidbah katwa chah i bor ya man ki thlu yung kiwa emkaam yei yarap. Da sneiñ da kyntu u wa kiwa chong chnong toh u man ki kiwa syndong wei lehkhooid kamjooh leh wow bood yaki kyndon wa da phah ka sorkar yow man ka laad wow yada na ka kjut COVID-19. Da ong u leh wa yooluti hadien wa da wiar kani ka kjut, daw sdang yaki kaam pynroi katwa chah i bor yong ka JHADC.
Hawa saam ya u khoo da bood leh yaki kyndon ka Social Distancing wow yajngai uwi na kawi katwa ye.
Kani toh ka wyrta wa phah da u Shiwa E Siangshai, Waheh Chnong Kyndongtuber.
Discussion about this post