Ka Ministry of Health and Family Welfare ka sorkar India deilang waki laad pathai khubor ka sorkar pyrdi da pyntip ki wa chah ktah ha u COVID-19 ha ki 24 kynta hadooh 8 waje ynne i step ka 14 tarik da em ki 3,722 ngut.
Na kini ki 3,722 ngut, kiwa dang yoh thymme da em ki 1,739 ngut, kiwa chait da em ki 1,849 ngut iwa da boon biang kiwa chait bar ya kiwa yoh kattu la ar sngi katwa kiwa yap da em ki 134 ngut.
Naki 1,739 ngut kiwa dang yoh ya uni u khñiang khlam, 1019 ngut toh ha jylla Maharashtra iwa mut 58.5% kiwa yoh thymme em ki ha kani ka jylla. Ha Tamil Nadu da em 464 ngut kiwa dang yoh, ha Rajasthan 117 ngut wa Bihar 103 ngut kiwa man ki jylla wa da tam 100 kiwa dang yoh COVID-19 ha kini ki 24 kynta.
Hawa kheiñlang ha waroh ka ri, du ha Maharashtra kiwa da yoh ya u COVID-19 waroh da em ki 33.2% yong ka ri waroh kawi kiwa em 25,992 ngut (wa kynthup ya kiwa da chait wa kiwa yap). Lada dam u kheiñlang waka Maharashtra, kiwa em COVID-19 hapoh ka ri (Confirmed Cases) da hiar cha ka 52,081 ngut naka 78,003 ngut hadooh ynne ka sngi.
I daw wa da suba wa chah ktah ka Maharashtra toh wa slem u khang yei liwan kiwa na UAE heiwa 40% kiwa yoh COVID-19 ha kani ka jylla toh kiwa ye u booddien wa wanrah kiwa liwan na UAE hanla uwa yoh nyngkong ya u COVID-19 toh uwa na Dubai, da chimpor hadooh 10 sngi wow sylli (Screen) ya kiwa liwan na UAE ha ki Airport.
Hapoh ka ri kattæ, da em 49,291 ngut kiwa dang em (Active Case) ya uni u khñiang, kiwa chait da em ki 26,235 ngut wa 2,549 ngut kiwa yap iwa waroh da poi 78,003 ngut.
Discussion about this post