Ynnin ka 13 tarik, ka Khasi Students’ Union-South Khasi Hills District hapoh i yahkhmat u Reebokstar Diengdoh, President KSU South Khasi Hills District Unit, u Dapkupar Buhsan, President KSU Laitryngew Unit wa ki dkhot yong ka Laitryngew Unit dah yoh ki wow ksoh wei takit ya ki baar jylla hapoh ka chnong Sohra Rim (Sohra) kiwa wan ku na khappood Nongjri kiwa mut lai liwan cha Assam.
Ya kini ki baar jylla da chem na ki 3 tylli ki Truck Dumper kiwa em hadooh 69 ngut hapoh kini ki Truck wa em ya u number ML 05 K 5120, ML 04 B 5833, ML 04 C 6682. Katkam wa pyntip kini ki baar jylla, ki toh ki wakreh sarok yong kawi ka Company kiwa ki Truck Dumper da yoh ki yaka Pass napoh Jaintia Hills tangwa ym em pyntip won ki iyi iyi cha ki pulit ne u SDO yong ka Sohra Civil Sub-Division.
Ka kyrwoh na u Reebokstar Diengdoh da ong wa ka sorkar toh u pait bniah wei wow pynrkhiñ wei ym toh u pynthut du yei lai i wan kiwa dooh, neibhah ha kam kini ki por i kjut khlam ym tipmit ko ya kiwa heh wa haaiñ, kiwa dooh wa duk, kiwa heh kyrdan khian kyrdan.
Da ong leh wa ha kam kini ki por wa dang yakhun ya u COVID-19, ka sorkar toh u pynemkaam ko yaka aiñ ya waroh khlem da leh chilliang.
Discussion about this post