Jowai : Ka Rotary Club Jowai ynne ka miet ha ka yalang wa tip kam ka 22nd Installation Ceremony of Rotary Club for 2016-17 da thung ya u ma J.M. Pohsngap kam u President wa thymme u wow ksoh yeini i kyrdan chisnem.
Ya kani ka Installation kawa leh man ka snem heiwa ha uni snem da kut i pali yong ka kong T.B. Tongper kawa ksoh ya yeini i kaam chisnem. Ka kong Tongper hei klam iehnoh kaam yong ka da ong ko wa ini i chisnem man i iwa sah kynmoo bha heiwa heipor i yong ka da ye ka Club u pynman ya ka pynkhooid chnong kam chibynta ka Swaach Bharat, i saam khusnaam cha ki bru samen wa leh ya ki kaam pynku pynroi ya ka jaidbru wa kiwi kiwi.
Ya u President thymme da thung ya oo hei emlang u Manas Chaudhuri uwa man leh kam u Rotarian wei heijooh i por leh kam u kongsan ha kani ka sngi.
U ma Pohsngap da pynbna u leh ya ki 11 ngut ki dkhot ka Rotary ki wow kreh hapoh yong oo wei da kyntu u leh ya waroh u ya krehlang wa oo yow ya yahluti lang yow poi cha ka thong.
U kongsan hei klam yong oo da yaroh u ya ka President warim wei da pynchlur u leh ya u President wa thymme yow stat u pynemkaam yei kyrdan yong oo yow e mynsien ya ki dkhot ka Club. Ong chooh chooh u wa du kiwa maya ya ka chnong wa ye u yoo yei duna ka chnong wei ngait u leh kiwa man dkhot hi hapoh ka Rotary toh du kiwa em ya i mynsien wa kwah u wanrah yei kylla hapoh ka chnong wei ong u lada heiwon heiwon ki bynta emkaam ki ya oo yei ki u paan yarap na oo heiwon iwon i por.
Ha kani ka sngi da emlang leh ki khynnah ka skur St. Paul English School, Mookaswan kiwa e ya i rwai pdiang sñiawbha ya waroh.
Ya ka yalang da pynman ha ka yung club ka Newhill.
Read Also : Pynkhooid ka KKC wa ka Rotary Club ya ka Khliehriat-Ka-Kiang
Discussion about this post