Ka Ministry of Health and Family Welfare ka sorkar India deilang waki laad pathai khubor ka sorkar pyrdi da pyntip ki wa ha kini ki 24 kynta hadooh 8 waje i step ka 15 tarik, kiwa chah ktah ha u COVID-19 da em ki 3,967 ngut.
Na kini ki 3,967 ngut, kiwa dang yoh ya u COVID-19 da em ki 2,182 ngut katwa kiwa chait da em ki 1,685 iwa da boon biang kiwa dang yoh bar ya kiwa da chait. Kiwa yap won da em ki 100 ngut.
Na kiwa dang yoh ya u COVID-19, da em 1,046 du ha Maharashtra, 381 ngut ha Tamil Nadu, 276 ngut ha Delhi wa 113 ngut ha Gujarat kiwa man ki jylla kiwa boon dooh wa yoh ya uni u khñiang khlam ha kini ki 24 kynta.
Ka Tamil Nadu (9674 Confirmed Case), Gujarat (9591 Confirmed Case) waka Delhi (8470 Confirmed Case) toh ki jylla kiwa da kynjoh cha ka 10 hajar ngut kiwa da yoh ya u COVID-19 katwa ka Maharashtra won da em ko 27,524 ki Confirmed Case.
Lada kheiñlang waroh hapoh ka ri, nadooh kiwa dang em ya uni u khñiang (Active Case) kiwa em 51,401 ngut, kiwa da chait wa em 27,920 ngut, kiwa yap 2,649 ngut da poi waroh 81,970 ngut.
Discussion about this post