Jowai: Ka Dorbar Chnong Rymbai haka yutip wa da pyllait, da pynsñiaw ko i sñiawngooh ya u MLA u Kyrmen Shylla wa u MDC u Finelyness Bareh, hajrong i e sñiawbha ki da u khoo ya ki khon ka chnong ha kam ha kini ki por.
Da ong wa i e yarap kini kiwa mihkhmat ha kam ini i por wa yakhun pyrchah yow COIVD-19 da man sakhiat i kyrkhu ya ki kup chiliang sem chiliang.
Haka 7 tarik uni u bnai chwa u saam yow khoo cha ki khon ka chnong da em chwa ka yalang tbian ha yung krehkaam ka dorbar chnong hei pynlai u waheh chnong u Justice Lyngdoh, uwa da kyntu leh ya ki khon ka chnong u pdiang ki dei mynsien sñiawkhian i mynsien wa kmen hanla man i e wa khian yong ki leh, neibhah wa ki da pyrchang ki u thooh ki laad ki luti yow e yarap.
Da yoh yei kyntien kyrkhu kyrdoh na u Pastor S.B. Lyngdoh, wei neiliang ka dorbar chnong da pyn-eh bok pyn-eh nasib ko ya u Kyrmen Shylla wa u Finelyness Bareh yow yoh ki dei chait i khiah wei wow ye ki u e chakri rap bha ya ki paidbah.
Haka yalang da emlang kiwa kitkaam chnong kamjooh kiwa yahkhmat yong waroh 7 tylli ki dong nalor ki paaid wa chong chnong.
Discussion about this post