Rai ka sorkar wow pynkylla ya ka aiñ rep ha ka jylla

Shillong: Ka sorkar jylla ynne ka sngi da mynjur ko ya i thmu pynkylla ya ki kyndon aiñ namo Draft Bill yong ka Meghalaya State Agricultural Produce and Livestock Marketing Bill, 2020, wei ya ini da mynjur da ka dhab ki montri hadien i phyllu yumut lang wa ki 3 tylli ki District Council kawa da man ynnin ka sngi.

Hawa yaklam wa kiwa pathai khubor, u Symbood Montri Rangbah ka jylla, u Prestone Tynsong da ong u wa ka sorkar da kynthup lang ko ha kani ka Bill ya ki yumut na ki 3 ngut ki CEM ki ADC kiwa em ha ka jylla. Da ong u wa kawi na i pynsñiaw ki CEM wym toh u wym kiwa tuklar ya i bor yong ki District Council heiyatoh wa i rukom krehkaam. 

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da ong u wa kani ka aiñ kawa rim na ka State Agricultural Produce and Marketing Act, 1980, kawa toh u pynkhlan wei wow pynboon chooh chooh ya ki yaw dailang ha ka jylla, deiwa pynrap wa ini i pynkylla ya kani ka aiñ ymtoh de du neibynta ki jhoor næ ki mar rep, tangwa u kynthup lang leh ya ki mar baam kam ka doh wa dakha.

U Montri da ong u wa ya kani ka aiñ ka sorkar daw rah noh cha ka dorbar ka wow man ha uni u bnai.