Saam ka Jalaphet Bri Sumer ya u khoo wa e u MLA wa u MDC

Ka Dorbar Chnong Jalaphet Bri Sumer, East Jaiñtia Hills da pynsñiaw ko yei sñiawburom ya u Shitlang Pale, MLA ka 5-Sutnga Saipung Constituency wa ya u Krison Langstang MDC ka 26-Sumer Constituency neibynta wa da e sñiawbha ki da u khoo cha kiwa chong chnong ha kam kini ki por wa em ka Lockdown wow yakhun ya ka khlam COVID-19

Ka chnong da pyntip ko wa neiliang u MLA da e u 55 churia u khoo, heijooh i por neiliang u MDC da e u 25 churia u khoo. Kamtæ ya uni u khoo hei yah luti u waheh chnong u B. Syrti wa u Secretary Chnong u R. Chyrmang deilang waki dkhot ka chnong wa kiwa kitkaam dong waphær waphær da ya pynbait ki toh u saam ya uni u khoo cha waroh ki manyung kiwa em hapoh ka chnong khlem da leh chiliang khmat kamjooh kam i angnood u MLA wa u MDC yeiwa da leh ynne ka sngi.

Kamtæ neiliang ka chnong waroh kawi lyngba kiwa kitkaam chnong da pynsñiaw ki yei mynsien sñiawngooh ya waroh ar ki kiwa mihkhmat yong ki, heijooh i por e ki yei kyrkhu kyrdoh ya ki khnang wow nang ye chooh chooh ki u chakri ya ki khon ki raiot ka imlang sahlang

Ka kyrwoh na u Restar Chyrmang, General Secretary ka Jalaphet Bri Sumer.